قصيدة لــ محمد ابراهيم حسن(شاويش) ألقاها في اليوم المفتوح بمسرح أمدرمان للفنون الشعبية
شكشكو بلد الكرم والجود والقوه
بلد العفة والزاد المتيرب قوه
بلد الحلم والريده واساس المروه
بلد الحكما فى الحكم وعدم استخدام القوه
بلدا اساس فريق ثلاث اخوه
بلدا مما قام ماعرف غير القوه
فيها كل خصال الامومه المذكوره فى ايه قرانييه
بلدا عزيز ورزين وهى بقعه ســـــــــــــــــــودانيه
بلدا مما قام اهل ما عرفو سؤ الــــــــــــــــــــنيه
بلد النفاج من بيت ليبيت ولو بكوره سلـــــــطانيه
بلدا صباحا صوت الطير ودك الويك
ومد الكوره وصوت قمريه
بلد ان خريف تب ما تعرف غير الجرايه والكوريك والطوريه
بلد صباحا عمل جل االضحويه والظهريه
اهل ما عرفو القبلبيه حياتهم طيبه وصفاء النيه
بلد فى المحافل كرام مابيضبحو الا الجدع والتنيه
شكشكو بلد البنايه العلا قشها كو
بلد ابويه الما عرف الشينه ولا كله كو
بلد تتحداها شما ل ام سقو وغرب ام قوزين وجنوب بوباى كو
نحن اولا د شكشو الراضين الكرم
نحن ما بنقول نحن الا لامن نحتاج نتلم
ح نحن بتين شتين لامن نتلم
نحن الجود والكر والملم
نحن المكان للعايز يتلم
نحن الدرع للغاشى ومتسع للكرم
ونحن الضرع للخايف والشايل الهم
نحن الضرع للجايع ولو عددهم كم
نحن يوم جرين الغرده وللرسن لزم
بطرد الظلم ولو كان الظل جم
نحن فى الحاره البنعرف والمابنعرف فى حدانا يتلم
نحن مما قمنا ما عرفنا الظلم والشينه ما بنتكلم
لكن ساعه الحاره مثل السيل نتلم
فينا الفرسان العند الحرب ما بلزم
وفينا الفرسان الا للمال ما بيشيل هم
والعند ضاع منو اصل ليه ما بندم
ديل نحن البعرفن زيييييييييين والما بعرفن
نقوال ليه ارجع عقب
وشوف الاهل رغم الاسى والظروف
كيف الشمل متلم ----------------------------------
ليست هناك تعليقات:
إرسال تعليق